القطر فاتك

القطر فاتك
بعد ما فاتت سنين
شفت فى عنيكي الضياع
بعد مازاد الحنين
إكتشفت العمر ضاع
كان هوانا بيتولد
والشمس لسه بتبتدي كفرد شراع
وابتديت أرمي فى عينك ِ
كل أحلام السنين
كنت شايف نفسي فيك ِ
كنت طير مولود حزين
والجناح مكسور وطاير
والهموم زي البشاير
بس مين يفهمني مين
ياللي كنت ِ فى يوم حببتي
شمس عمرك يوم ما غبتي
من ألوف إخترتك أنت ِ
ليه هويتك .. ليه فارقتك
ليه زمان كنت ِ البداية
كنت محتاجلك معايا
كنت أحس أن أنتِ مني
ميت سؤال بيدور فى ذهني
ليه نسيتي ؟ وليه قسيتي ؟
وفين لقيتي ؟
حضن صادق زي حضني
متخافيش مش ح أنسي حبك
أصلي عارف أن همك .. كل همك
إني أخلّد ذكرياتك
ما أنساكيش لو حتي بعتي
أبقي شئ بس فى حياتك
مش مهم أن أنت ِ خنتي
مش مهم تكون حياتي صفحة مطوية فى حياتك
مش ح أكون رمز لإرادتك
مش ح أكون حرف فى سكاتك
بكره لما تحاولي تيجي
راح تلاقي القطر فاتك ...
.................................................