جريدة أخبـــــــــار البحيره


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

الشاعر مصطفى زايد مكايد

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

1 الشاعر مصطفى زايد مكايد في الثلاثاء يناير 03, 2012 12:54 am

مصرى ونص
مش راجعين يا بلدنا نخاف ونكش
مش ناويين نتلون تانى بأيوها وش
مش حنخاف .. وحنتكلم وبصوت عالى ..
مش صوت واطى ولا يرعبنا رصاص مطاطى
ولا حنفوّت ولا حنطاطى .. لازم يبقى الحكم حقيقى وديمقراطى
مش بالغش ، مش حنكش ومش حنخاف
لأن أساساً عمر الشعب المصرى ما خاف
يمكن تاه ، لأن حياته إتعبت فجأة كوام جواه ..
كوم ومرارة حسسها فى حلقه إلتزمات وهموم بتضايقه ..
وهم عبيط .. لأ حلم بسيط على سكته سايقه إسترها يارب ..
هو الستر .. يعنى بيصحى الصبح الهم يقوله صباح الخير
يبدأ يومه بعيش مليان مسامير بعد ماتطلع عينك يوم فى 3 طوابير
بس كويس أهو موجود أحسن من عدمه يبقى ده ستر ..
يعنى مرتب ميكفيش إيجارات ودروس
وساعات ميجيش ولا تاخده فلوس
تاخده غياب جزاءات وهباب بس كويس أهو موجود
أحسن من عدمه ..يبقى ده ستر ..
يعنى تقضى أكتر من نص حياتك وإنت بتدرس
وإنت بتدفع وإنت تعانى تحت شعار تعليم مجانى
ومتتعينش بس أهو عايش وإنت حتحلم بيه أكتر م العيش
ما كفاية بتر يعنى إتشال عنك سنتين م الجيش
يبقى ده ستر ! ينعى بتركب زيك زى الماشية تمام ...
بس أهى ماشية وكله لجام ولا تاخدلك تاكسى وتبقى عبيط لو قلتله كام
مش كده ماشيه وكده ماشيه أحسن من عدمه يبقى ده ستر ..
ولا مذيع أو صحفى بسيط غلبان علشان تطلع منه الكلمة تبان
لازم يعمل ميت إعلان علشان ثانية يقول فيها لأ علشان ينطق كلمة حق ..
ألف مقص يقص الكلمة وألف ستارة تخليها ضلمة
بس أهو عايش يبقى ده ستر ..
ألف حكاية وألف قضية هزت شعبى
ألف حكاية وألف قضية لإستحمار الشعب العربى
بس خلاص بإيديك وإيديا شباب كان ثاير ..
أول مرة إتوحد صوته فى شهر يناير ..
قام بالثورة وقالها بعزم ما فيه وبقدره ..
مصر دى حرة طول عمرها راح تفضل حرة ..
طول ما شبابها الحر ده عنده بصيرة وقدرة ..
إنه يميز بين الثروة وبين الثورة
بين الحق وبين إلحق بص لنفسك قبل ما تغرق
إلحق بص .. طول ما شبابنا الحر ده فاهم كلنا واحد
مسلم شرطى مسيحى مواطن كلنا واحد ..
يبقى أنا كده مش مصرى وبس لأ مصرى ونص .
.................................................................

معاينة صفحة البيانات الشخصي للعضو

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى