يوميات فقير جداً
سألني صاحبي عن حالي ..
وأخبارك ؟!
ماعتش بتيجي يا غالي ؟
يا عم فارقني وإنساني
ده ميلة البخت عنواني
بتسأل عن حالي .. أجاوبك برضو ما يضرش
حالي مقندل بستين نيلة ما يسرش
عليا الفقر متحرش
وحتي القرش متعزز دقيقة فى جيبي ما يجرش
وشارب المر متركز ... قزايز شكلها يطرّش
وحظي ماسكله سناره ... ما تغمز مره بسجاره
بنش الضيق عن الحاره ... ما يتنشش
عليا الزهر متوشوش ... ومعمولي عمل أسود
فى جيبي القرش ما يخشش
وبكره ح أعدي ع الترزي يوفر حته الهدمه
وأقول يا عم ما تحطش
جيوب فى اللبس من أصله
فى كل دقيقة تتفتش
عياري الفقري متحلوس ولا بيصيب و لا بيدوش
بشوف الفول وأنا معّدي
زمان كان طعمه ما يلزش
ودلوقتي بقيت أحلم
أشوفه فى صحن متحبش
وأقوله تعالي يا معفن
بقالك ريش وبترفرف
وعندي دقيقة ماتحطش
يرد عليا مستعبط ..
بقاله زبون بيتنطط .. وحقه يا عم يتشرط
يقولي يا حلو فى المشمش
شوارع ضلمه مسدوده
بأنقي المش م الدوده .. ونص الأوضه مهدوده
وسطح السقف متعرش
يخش الفار بيتنطط .. سعيد الحلو ومزقطط
ما هو بيشلش نقدية .. ومستهزي الجميل بيا
يقولي لايمني ع الجبنه .. وأقوله يا عم ما تسبنا
وغور فى مصيبه يا مكرّش
ده كبر البطن مش عيبه ومحلاها
ما دام اللحمة ملياها
لكن العيبة فى الجوعة
عليا اللحمة ممنوعة
وحتي الجزمة مقطوعة
ولا تخيط ولا تورنش
سايبها تطلّع الريحة
اللي ساكنة فى رجلي بالأجرة
بهويها خايفة تبوظ أو تمشش
عليا ديون لواحد دون يطالبني
لآخر الشهر ما يسبني .. ولو سابني
ح أجيبله منين ما تدقش
ولو عديت عليه صدفه بيندهلي
بصدّرله الأمل والنور وأعيش له فى دور
فريدالأطرش
وبأعمل نفسي مش سامعه .. وأنا سامعه
بيشتم برضو كالعادة
قليل الأصل ما يردش
يغور الفقر وسنينه وزيّ ربنا يعينه
ده حتي المش شحتينه
من الغربال ما يخرش
نفسي أتغدي يوم وأشبع
وأدوق اللحمة وأتمتع
وأمسك عضمه زي الناس
وأقول للكلب قال كشكش
أكيد مستني يا صاحبي
أقولك حاجة عن حبي .. ما بنحبش
على رأي المثل قالها :
إذا ما الفقر دخل الدار فإن الحب ما يخشش
وما يفكرش من أصله
ده كل الغالي يرخصله
وأنا فقري لا عندي مال ولا ديا وله
ومشطوب البعيد اسمه .. على الهامش
وحتي الصفر مش طايله
ومش عايش عشان نفسي
وحظي الفقري فوق ضهري
على خيبه الأمل شايله
نهايته الفقر كاس داير وحيطولك
ولو كا طالكش يا صاحبي
مسيرك يا البعيد جايله
..............................................
سألني صاحبي عن حالي ..
وأخبارك ؟!
ماعتش بتيجي يا غالي ؟
يا عم فارقني وإنساني
ده ميلة البخت عنواني
بتسأل عن حالي .. أجاوبك برضو ما يضرش
حالي مقندل بستين نيلة ما يسرش
عليا الفقر متحرش
وحتي القرش متعزز دقيقة فى جيبي ما يجرش
وشارب المر متركز ... قزايز شكلها يطرّش
وحظي ماسكله سناره ... ما تغمز مره بسجاره
بنش الضيق عن الحاره ... ما يتنشش
عليا الزهر متوشوش ... ومعمولي عمل أسود
فى جيبي القرش ما يخشش
وبكره ح أعدي ع الترزي يوفر حته الهدمه
وأقول يا عم ما تحطش
جيوب فى اللبس من أصله
فى كل دقيقة تتفتش
عياري الفقري متحلوس ولا بيصيب و لا بيدوش
بشوف الفول وأنا معّدي
زمان كان طعمه ما يلزش
ودلوقتي بقيت أحلم
أشوفه فى صحن متحبش
وأقوله تعالي يا معفن
بقالك ريش وبترفرف
وعندي دقيقة ماتحطش
يرد عليا مستعبط ..
بقاله زبون بيتنطط .. وحقه يا عم يتشرط
يقولي يا حلو فى المشمش
شوارع ضلمه مسدوده
بأنقي المش م الدوده .. ونص الأوضه مهدوده
وسطح السقف متعرش
يخش الفار بيتنطط .. سعيد الحلو ومزقطط
ما هو بيشلش نقدية .. ومستهزي الجميل بيا
يقولي لايمني ع الجبنه .. وأقوله يا عم ما تسبنا
وغور فى مصيبه يا مكرّش
ده كبر البطن مش عيبه ومحلاها
ما دام اللحمة ملياها
لكن العيبة فى الجوعة
عليا اللحمة ممنوعة
وحتي الجزمة مقطوعة
ولا تخيط ولا تورنش
سايبها تطلّع الريحة
اللي ساكنة فى رجلي بالأجرة
بهويها خايفة تبوظ أو تمشش
عليا ديون لواحد دون يطالبني
لآخر الشهر ما يسبني .. ولو سابني
ح أجيبله منين ما تدقش
ولو عديت عليه صدفه بيندهلي
بصدّرله الأمل والنور وأعيش له فى دور
فريدالأطرش
وبأعمل نفسي مش سامعه .. وأنا سامعه
بيشتم برضو كالعادة
قليل الأصل ما يردش
يغور الفقر وسنينه وزيّ ربنا يعينه
ده حتي المش شحتينه
من الغربال ما يخرش
نفسي أتغدي يوم وأشبع
وأدوق اللحمة وأتمتع
وأمسك عضمه زي الناس
وأقول للكلب قال كشكش
أكيد مستني يا صاحبي
أقولك حاجة عن حبي .. ما بنحبش
على رأي المثل قالها :
إذا ما الفقر دخل الدار فإن الحب ما يخشش
وما يفكرش من أصله
ده كل الغالي يرخصله
وأنا فقري لا عندي مال ولا ديا وله
ومشطوب البعيد اسمه .. على الهامش
وحتي الصفر مش طايله
ومش عايش عشان نفسي
وحظي الفقري فوق ضهري
على خيبه الأمل شايله
نهايته الفقر كاس داير وحيطولك
ولو كا طالكش يا صاحبي
مسيرك يا البعيد جايله
..............................................