أخبـــــــــــــــــــــــــــــــــــــــار البحيــــــــــره
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

جريدة أخبـــــــــار البحيره


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

بحبك قوى مصطفى مكايد

اذهب الى الأسفل  رسالة [صفحة 1 من اصل 1]

1بحبك قوى مصطفى مكايد Empty بحبك قوى مصطفى مكايد الثلاثاء يناير 03, 2012 1:10 am

مصطفى زايد



بحبك قوي
وبحبك قوي قوي قوي
على آخر واحدة
ونفسي أشوفك لو ساعة واحدة
وأقولك إنك صبحي وضهري
وعصري وشمسي اللاسعة
وإنك برضو غطايا وسكني
وداري وعيني ورمشي
وقبل ما ح أمشي ح أقولك ...
إني بحبك قد الدنيا الواسعة
قد البحر ....
والله البحر ساعات بيخس
قصدي أن آني .....
بحبك يامه وبس
سكاكين بتقطع جسمي
لو أبعد عنك يوم
وبشوفك قاعدة بتحكي معايا كمان
مع إني بكون غرقان فى النوم
وخلاص مبقاش فى العقل قراط تفكير
و ح أطير ويطير مع قلبي معادك بكره
وليه أستناه دنا أجري وراه
سبحان الله دنا أبيع فدان
وأشتري نظرة ...من سحر عيونك
يامه قالوا عليا الناس ده عبيط
وصبرت عشان آخد الأجره
ضحكة وتسبيله وعلى فكره
أنا باسمع قلبي بينادي عليك ِ
بصوت مكــــبــوت
وبكدب نفسي وأحط وداني
ساعات على صدري أنا باسمع
نــفـــس الـصــوت !
وبأقول أوهام وخيال م الشوق
وأضبط نفسي على دماغي
بحاجة وأفوق
آلاقيني خلاص مش فاكر
لأ .. مش فاكر
لأ .. دنا فاكر
بس مفيش بصراحة
فى بالي غير حاجة واحدة
إني بحبك قوى قوى قوي
على آخر واحدة ....
...............................................................................

الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى