أخبـــــــــــــــــــــــــــــــــــــــار البحيــــــــــره
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

جريدة أخبـــــــــار البحيره


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

احساس جميل

اذهب الى الأسفل  رسالة [صفحة 1 من اصل 1]

1احساس جميل Empty احساس جميل الجمعة ديسمبر 02, 2011 10:49 am

مصطفى زايد



No إحساس جميل عايش
ما بينا بدون كلام
مليون دليل على أنها
قصة غرام
لسه فى أول عمرها
بدأت بنظرة وابتسام
مليون دليل ومفيش دليل
فى عنيك بأعطش وأرتوي
وألقي السبيل
وساعات بشوف فى عنيك ِ
حبي المستحيل
وساعات خصام ... وساعات ملام
إحساس جميل عايش
ما بينا بدون كلام
مليون دليل على أنها
قصة غرام
كل اللي بينا بيترسم
جوه العيون
مليون بحبك قلتها
بقلبي الحنون
وعنيك قالت زيها
وخايف أكون
مقدرتش أفهم ردها
وده كان ظنون من أوله
مبني على الأوهام
إحساس جميل عايش
ما بينا بدون كلام
مليون دليل على أنها
قصة غرام
فى عنيك ِبحر من الصفا
فى عنيك حضن من الدفي
كل الكلام بينا اختفي
بس السكوت شايل وفا
وحب وغرام
وساعات بيبقي الصمت
أبلغ م الكلام
إحساس جميل عايش
ما بينا بدون كلام
مليون دليل على أنها
قصة غرام
بفرح قوي لما بشوفك
وألمحك
وأحزن قوي لو نسمة عدت
تجرحك
من قلبي مشتقالك كتير
وفي حضني نفسي أخدك وأطير
وأستسمحك ....
يفضل ما بينا الحب دا
بالشكل دا ... عايشين كدا
أسامينا بتكمل بعضها
حرفين فى كلمة لوحدها
كلمة غرام
إحساس جميل عايش
ما بينا بدون كلام
مليون دليل على أنها
قصة غرام

الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى