الشاعر مصطفى زايد مكايد وسط الغيطان

وسط الغيطان
وسط العيال أنا كنت بلعب فى الغيطان والطين ...
ولا كنت أعرف حاجة عن تهريب ولا حتي عن تعيين ...
آخر النهار أرجع وأنا كلي تعب ..
يملاني خوف الكون لحظة ماأشوف أمي مليها الغضب
دا اللي أنت فالح فيه ما تخش تفتح كتب ..
وأرفع إيديا لفوق وأصرخ واقول " يووووه
وأبويا يزعق بس : بطل يا واد قلة أدب
وأطلع من الصبح بدري شايل شنطتي ..
ع المدرسة وييا صحبي وصحبتي ..
كنا عيال جوانا حلم جميل ..
لكني كنت بحس إني غريب عنهم ..
ولما أمسك قلم أرسم بإيدي علم وأهرمات علي نيل ..
ومدني ومساجد وشيخ عجوز ساجد
وفاس فى إيد فلاح وعامل معاه مفتاح
وشيخ علي المنبر ودببات وجنود فرحانة بتكبر
ولسة باقي الجيش الورقة متكفيش ..
متخدش أحلامي تفضل فى عقلي حاجات جوايا مخفية ..
كان نفسي أرسم سائقية عماله تنذف ميه ..
على كتف مصرية .. مش تور ولا حيوان وعنيها مغمية ..
لا بإيدها ترفع غما ولا تشتكي للسما وبقوة جبرية ...
والأنكي من كل ده مش طيلة نقطة ميه ..
والله حاجة عجب عارفين حمار العنب
ولا الصيام فى رجب وكله بالنية ...
ورغم كل عذاب وبحق كل كتاب لساكي فى عنية ...
لساكي بين كل البنات اللي فى أشعاري العظيمة أحلي قصيدة ..
لساكي بين قصصي القديمة قصة جديدة ..
لساكي أقرب حاجة ليا ولسة برضو بعيدة ....
............................................................................