طول عمرنا عايشين على أرضك
يا بلد هلافيت
مكتوب على ورق الشجر هلافيت
حتي فى جواز السفر مكتوبلنا هلافيت
هلافيت عايشين على الفتافيت
هلافيت وبياخدوا بالشلاليت
واللي بيعلا صوته .. يكتب بإيده موته
ولما قلنا ثورة قالوا عيال كتاكيت
ملهومش فى التخطيط
أو بالبساطة كده هلافيت
هلافيت .. هلافيت
هلافيت وعارفين اللي فيها
لكننا صابرين ومستحملين بلاويها
شايفنها مكتوبة وأهي دنيا مقلوبة
هو إنت عمرك شفت حد عبيط ..
بيقول على نفسه عبيط !؟
هلافيت .. هلافيت
هلافيت وواخدين على دماغنا
ومش فالحين غير فى الكلام والمغني
وفى الأساس ولا حد سامعنا
وناس بتاكل ناس زي السمك ضعنا
واللي مضيعنا إن إحنا مش باينين
فى الصورة مش واضحين .. شخابيط
شخابيط .. وهلافيت
هلافيت وبعـنلهم نفسنا سرقونا
وسرقوا ثورتنا وباعونا
وبدل ما يحاكموا الغجر حاكمونا
وسابونا .... جوانا حلم بسيط .. منكونش يوم هلافيت .. هلافيت
شعر مصطفى زايــــد
يا بلد هلافيت
مكتوب على ورق الشجر هلافيت
حتي فى جواز السفر مكتوبلنا هلافيت
هلافيت عايشين على الفتافيت
هلافيت وبياخدوا بالشلاليت
واللي بيعلا صوته .. يكتب بإيده موته
ولما قلنا ثورة قالوا عيال كتاكيت
ملهومش فى التخطيط
أو بالبساطة كده هلافيت
هلافيت .. هلافيت
هلافيت وعارفين اللي فيها
لكننا صابرين ومستحملين بلاويها
شايفنها مكتوبة وأهي دنيا مقلوبة
هو إنت عمرك شفت حد عبيط ..
بيقول على نفسه عبيط !؟
هلافيت .. هلافيت
هلافيت وواخدين على دماغنا
ومش فالحين غير فى الكلام والمغني
وفى الأساس ولا حد سامعنا
وناس بتاكل ناس زي السمك ضعنا
واللي مضيعنا إن إحنا مش باينين
فى الصورة مش واضحين .. شخابيط
شخابيط .. وهلافيت
هلافيت وبعـنلهم نفسنا سرقونا
وسرقوا ثورتنا وباعونا
وبدل ما يحاكموا الغجر حاكمونا
وسابونا .... جوانا حلم بسيط .. منكونش يوم هلافيت .. هلافيت
شعر مصطفى زايــــد