مدد مدد .. مدد مدد من حقها تثور البلد
منا من زمان قولتها .. القهوة ملت من العدد
والصبر مل من الجلد .. ولا عتش فاضل
فى البلد .. غير البطالة والنكد ليه كل ما
أمشي فى الشوارع ألاقي ناس ..
على القهاوي ألاقي ناس .. وفى كل حته
لكن دي هيا البلد ليه طعم صبر الناس طالع كما الصبار
ليه كل ما أفهم أو أحاول أني أفهم ألاقي نفيس
ميت حمار ليه الحقيقة بقت سراب ...
والغش ماشي فى الشوارع بنا عادي بالشراب
والصدق مش معموله أي حساب ..وفى كل متر تلاقي ميت نصاب
وعشان تعيش وسط الديابة لابد تبقي بألف ناب ...
ما أنا كنت شايفك لما كنتي شباب
إيه اللي صابك يا بلد أنا كنت شايفك لما كنتي شباب
كانت قلوب الناس مليانة حب ..
الشوارع والبيوت كل الحيطان حتي الغيطان
شبعانه حب كان فيه أمان بين الجيران .. وسلام بجد
كان حب حب مش حب محشي بالنفاق وكلام
وكدب .. إيه اللي صابك يا بلد .. ليه
على القهاوي ولادك الحلوين من كل لون
من إمتي كنا بنسمع عن حشيش أو بانجو أو
أفيون .. من إمتي كانت هي دي لغة
الحوار ..لغة القهاوي والشوارع والسجون ..
كبر وطنش ولا نفض للزبون
ليه كل حاجة بقيت شغالة كوسة .. أروح
لمين وأقول يا مين .. خالتي فرنسا ولا
يمكن خالتي نوسة .. بقي هي دي مصر
اللي كانت يوم زمان مصر المحروسة
إيه اللي صابك يا بلد .. ليه المدارس والمناهج
شكلها كئيب ويفزع .. ليه الولاد ما بقتش
تسمع .. كل طالب لازم ياخد مطوه فى إيده
يا إما يرجع .. والمدرس يعمل إيه ما هي حاجة تفجع
على رأي أخويا هشام كلامه يوجع .. يعني
إيه تبقي إنتي هبة النيل والميه تقطع يعني
إيه لما أشتكي غلو الفاتورة يقولوا إشكي
بس تدفع بالذمة ينفع ..
إيه اللي صابك يا بلد ... بالذمة ينفع
............................................................
الملهمة
اليوم أكتب عنك يا كل المني
والقلب تملؤه الأماني العارمة
والذكريات لدي أضحي سحرها
مثل القصور بغير عمد ٍ مهدمة
يا من تحلق كالفراشة ُ فى دمي
وأراها فى صدق المعاني المغرمة
فى كل بيت ٍ من بيوت الشعر أصنع ملحمة
والناس تسألني بشغف ٍ من تكون الملهمة
وأنا أجيب كما تقول بطاقتك
النوع أنثي والديانة مسلمة
وخلودى فى عينيكِ غاية منيتى
وحروف إسمك فى سطورى مبهمة
وتاريخي منقوش على أوتار عينيك
ستحملين بريق أيامى القادمة
...............................................................................................
فلسطيني
أنا جوايا شيخ مصري ... مربيني
ساعات أغلط .. لكن وقت الغلط دايماً ... يناديني
أحس بحاجة جوايا تحركني ... تقويني
أقول للظلم مهما إشتد منتش قد ... تكويني
أنا مصري لكن برضو ساعات ببقي ... فلسطيني
ولو حتي بإحساس
ولو بدعايا .. وقت صلاتي لأخواتي
فلسطيني
وشايف ظلم صهيوني
لكن مملكش غير قلمي .. وده سلاحي
وسر نجاحي فى سلاحي
يشد الأزر ... يطلع فجر
من بكره ومن لوني
منا مصري لكن برضو فلسطيني
بتجمعنا لغة واحدة ودين واحد
وحلم فى بكره ينجدنا .. وينقذنا
من الأحلام .. من الأوهام
فلسطيني
فلسطيني وشايل فوق كتافي هموم
وبحلم يوم أخد تاري
ومشواري من الأول
نشيد مكتوب على جبيني
ورغم أن الطريق فيه شوك لكني حر مش مملوك
وبحلف لك برحمة أبوك
لتطلع شمسي ونهاري
ساعتها بس قلبي يحس
فرحة نصر تملاني .. تغطيني
منا مصري لكن برضو فلسطيني
فلسطيني ... فلسطيني
...............................................................
بحبك وخايف أضيع حياتي فى وهمي معاكي
ويفضل هوايا فراشة حزينة وتايهه ف هواكي
ومركب غريبة بتحلم بمرسي ونجمة فى سماكي – فى بحرك سفينة
بدّور عليكي بقالي سنين ولما لقيتك لقيتك حزينة وقلبك حزين
سهرت الليالي ومعرفش مالي
وشفت فى عنيكي إجابة سؤالي
حد فى حياتك وجاوبت عنيكي أكيد قلبي خالي
لكنك خيال وصعب المنال وميت ألف واحدة
بتتمني منك لحظة وصال .. وخايفة إني أحبك
وتكسر فؤادي وأفضل وحيدة ومستنية تيجي وتخلف معادي .
...........................................................
أمير الخير
مهما قلت وعدت عنك إنت رمز أمان وخير
ربنا بعتك حماية للغني قبل الفقير
فى الكرم والجود أمير مهما تدي يزيد كتير
اليتيم مبقاش يتيم بين إيدين إنسان كريم
فى المساجد والمصانع والبيوت قبل الشوارع
زي فجر بنوره طالع يملا كل بلدنا خير
أنت نهر بيجري بنا يا أمين قلبك كبير
لليتيم مديت إيديك للجميع مديت إيديك
مهما قلت وعدت عنك مهما طوّل مدحي فيك
م البداية والنهاية إنت فى الزمان ده آيه
كل شعري مش كفاية فيك يا فارس يا أمير
للمريض بتكون طبيب والكرم مش شئ غريب
الأساس والأصل طيب والنسب معروف كبير
كلنا فى الخير وراك ربنا دايما معاك
يحفظك ويصون خطاك ربنا يتمم شفاك
كلنا بنقول أمين يا أمين عسران أمين
..................................................................................................
أحزان عاشق
الـــــيوم أمضـــي والجـــراحُ ستنتهي
وغـــــداً ســـــأبدأ رحــــلة النســــيان ِ
ســأفيق من وهــم البطـــولة داخـــلي
بيــــــدي ســــأقتل داخـــلي أحــــزاني
لــن يـبــقي بعــد الــيوم حلـماً كــــاذباً
لــن يستــمر الحُـــزن فــى وجــــداني
وســـــأترك التـــاريخ يكــتب قصـــتي
أنشـــــودة الحـــــب الـذي أعــــــياني
كــــم كــــنت أحــلم أن أراكــي لعلـني
أحـــــظي لــــديك براحــــة ٍ وحنـــــان ِ
بــك ِ أستــعين ُ علــى مصــائب ِ دُنيتي
وعــلي يــــديك ِ أبيــــع كــلَّ زمـــــاني
ورأيــــت ُ وجهــــك كالمــلاك يشـــدني
مــــن غــربــــة البلــــدان للأوطــــــان ِ
فنســـــيت أحــلامي القـــــديمة كلــــها
ووجدت نفسي اليوم أصفح عن زماني
ورسمـــت فى عــينيك ِ أجـــمل قصـــة ٍ
وظننت ُ نفـســـي العاشـــق الولــــهان ِ
وظلــلت مخـــدوعاً بحـــبك واهــــــــماً
حتــــي رأيــتك فــى هــوي الشـــــيطان ِ
وإذا ســـــألتك تســــتبيحي ســــذاجــتي
أنــا لا أحــبه إنمــا بفظـــــاعة ٍ يهـواني
لا شـــــئ يجــمعني بــه إلا الهـــــــــوى
أنــــا لــــم أقــــابله ولــــم يلـــــــــــقاني
كـــــم كـــــــان كـــذبك كالفراشة تحترق
وتطـــــــير في صـــــدري بـــلا دخـــانِ
وأري نـــيراناً فــــى حشــــايا تشـــــتعل
نــيران كســــرى لــــــم تكـــن كنيـراني
مثلــــتِ دوراً لــــــم يكــــــن بروايتـــي
ويــــــــداكِ كــــاذبتــــــان ترتــــــــعدان
عينــــــاكِ لــــــم تقـــــوي على أكـذوبة ٍ
وتحجرت في مقلتيكِ كدمـــعة الشيطانِ
خبــــأتَ رأســـــي كـــي أظــــــل مغفلاً
ونســـــيت جرحــــاً غائــــــراً أبكـــاني
فى كـــــل يـــوم ٍ كنـــت أقتـــل داخـلي
وحشـــــاً يثــــور بمهـــجتي وكيـــاني
رغــــم الخيـــانة ِ كنـــتُ أغفر دائمــاً
لــم تشــــهدي منــي ســــوي الإنسان ِ
خــــوفي عليـــكِ تعــدي كــــل خطـيئة ٍ
وعلى يـــديــــك ِ تعــــددت أحـــــزاني
فى كــــل يـــــوم ٍ كـــان عهــــداً كاذبا ً
فإلي متــــي ســــأظل منـــك أعــــاني
اليــــوم أرحــــــل والخـــداع سينتهي
وغـــــداً ســـــأقـتل داخــــلي أحـزاني
وســــأغرس الأحلام فى أرض المني
وأهـــــب فــــؤادي للـــذي يـــــهواني
......................................................................