عودتينى ع الصينى شعر / مصطفى زايد
وعدتينى تعدينى .. فمدي إيديكي عديني .. ولا تنسي إن أنا منك " أنا فنك .. أنا شاى العصارى على مصطبتى قدام دارى .. أنا بنك .. أنا إبنك .. أنا أهرامك اللى بنيتها من كدي وبجبيني .. أنا نيلك وأزهاره أنا ليلك وأوتاره وتحريرك وثواره .. أنا طينك وتكوينك أنا إنتي .. وبرضو إنتي أساس تكويني .. أنا اللي الغربة يوم عنك بتكويني .. فمدي إيديكي عديني .. أنا واحد مفيش صفرين قدامه .. صحيح عايش .. لكن عايش على الهامش بيترجي فى إعدامه .. أنا المسكين اللي نيمتيه بلا مأوي ولا إتعشي .. أنا الدم اللي شفتيه سايل على أرضك ونضفتيه بمقشه ، أنا القشه . أنا القشه اللي قسمت ضهر بعيرك .. لما باعوكي واشتروا بدموعنا طين غيرك .. أنا حصانك وفستانك وميدانك .. أنا اللي إتقطم ضهري علشانك .. ولا عمره فى يوم خانك .. أنا اللي ضاع الأمل مني ولسه برضو مستني .. تعديني .. فمدي إيديكي عديني .. مدي ايديكي عديني .
أنا أكتر حد في الدنيادي بيحبك .. وأنا اللي إحترت فى طبعك ,, أنا أديلك وأغنيلك وأعبرلك وأعديلك وتنسيني .. وهما والعة واكلينها .. وشربنها .. وسرقنها .. وبايعنها .. دهب صيني ... وشرياهم وبعتيني .. أنا اللي زرعت القمح فى طينك .. وأنا اللي وقفت فى موكب سلاطينك .. وقمحي بعد الويل طلع كوسة .. سلام بالإيد وكام بوسة .. وفوت علينا بكرة يا سيد .. وبنقضّيها بالفته وبنعيّد .. كلام الحق متقيد .. ولو قلّبتي فى اللي فات تلاقيني .. شايل سيفي على جبلك .. وبالقفطان ع المنبر .. وبحصد من الغيطان سبلك .. وبالقرآن فى الأزهر ..
وع الجبهة رافع علملك .. بايدى .. وإيدى التانية بتكبر .. أنا هرمك .. أنا علمك .. أنا حلمك .. ورغم ده كله مستعمر .. أنا الأبيض .. أنا الأسود .. أنا الأحمر .. أنا دهبك وياقوتك ومرجانك..أنا المرمر..أنا اللي وقفت بعصاتى ولا اتهزيت م البربر .. انا النيل الي عبّيتي فى جوفي كل أوجاعك ..أنا بتاعك .. أنا محمد أنا خالد أنا عمار أنا إسكندر .. أنا ريفك أنا البندر ..أنا اللى هتفت للعسكر ..وأنا اللى وقفت للعسكر .. أنا الأصلى .. لكن بطلع بكام منظر .. أنا اللي عمره وقت الشدة ما إتأخر .، أنا اللي قالولك عني إرهابي .. وكام حارس على بابي وحطوا أخويا سجاني .. وشاركونى فى دكانى .. وقالوا عني عدواني .. وسلفي مدني إخواني وليبرالي وعلماني .. وخلّوني واحد تاني .. غير اللي إتربي فى طينك وشق بفاسه بساتينك .. وضاق شوكك بلا تينك..وسطّر فى التاريخ إسمك حروف دمه " ولا همه " كلام من حد .. ولا همه .. يقولوا عليه مرتد .. ماهو اللي من عرق كتفه بنالك سد .. واللي مرمغتيه فى قنالك وحيله إتهد .. واللي طول عمره بيدي السبت مستني يلاقي الحد .. عرفتيني .. أنا اللي ضحكته تعلا وتنزل دمعته ع الخد .. انا النكته اللي بتصبرني وقد الجد .. أنا بنزينك اللي رموه وحاسبونى محسبوش حد .. لجل متعود على الحانيه على التنيه .. على الطوابير بين بنزينه والتانية .. أنا غازك .. انا جازك .. أنا سندك وعكازك ..أنا اللي صغت من دمي حروف اسمك .. أنا المصري .. أنا فارس دنيتي وعصري .. أنا طينك أنا لونك .. أنا اللي كسرت فرعونك .. أنا المصري .. عرفتيني .. أكيد من شكلي عرفاني .. أنا سلفي وليبرالي وقبطي وبرضو إخواني .. فمدي إيديكي ضميني .. يا مصر كفاية ترميني .. عشمتينى بالمصري وعودتيني ع الصيني
وعدتينى تعدينى .. فمدي إيديكي عديني .. ولا تنسي إن أنا منك " أنا فنك .. أنا شاى العصارى على مصطبتى قدام دارى .. أنا بنك .. أنا إبنك .. أنا أهرامك اللى بنيتها من كدي وبجبيني .. أنا نيلك وأزهاره أنا ليلك وأوتاره وتحريرك وثواره .. أنا طينك وتكوينك أنا إنتي .. وبرضو إنتي أساس تكويني .. أنا اللي الغربة يوم عنك بتكويني .. فمدي إيديكي عديني .. أنا واحد مفيش صفرين قدامه .. صحيح عايش .. لكن عايش على الهامش بيترجي فى إعدامه .. أنا المسكين اللي نيمتيه بلا مأوي ولا إتعشي .. أنا الدم اللي شفتيه سايل على أرضك ونضفتيه بمقشه ، أنا القشه . أنا القشه اللي قسمت ضهر بعيرك .. لما باعوكي واشتروا بدموعنا طين غيرك .. أنا حصانك وفستانك وميدانك .. أنا اللي إتقطم ضهري علشانك .. ولا عمره فى يوم خانك .. أنا اللي ضاع الأمل مني ولسه برضو مستني .. تعديني .. فمدي إيديكي عديني .. مدي ايديكي عديني .
أنا أكتر حد في الدنيادي بيحبك .. وأنا اللي إحترت فى طبعك ,, أنا أديلك وأغنيلك وأعبرلك وأعديلك وتنسيني .. وهما والعة واكلينها .. وشربنها .. وسرقنها .. وبايعنها .. دهب صيني ... وشرياهم وبعتيني .. أنا اللي زرعت القمح فى طينك .. وأنا اللي وقفت فى موكب سلاطينك .. وقمحي بعد الويل طلع كوسة .. سلام بالإيد وكام بوسة .. وفوت علينا بكرة يا سيد .. وبنقضّيها بالفته وبنعيّد .. كلام الحق متقيد .. ولو قلّبتي فى اللي فات تلاقيني .. شايل سيفي على جبلك .. وبالقفطان ع المنبر .. وبحصد من الغيطان سبلك .. وبالقرآن فى الأزهر ..
وع الجبهة رافع علملك .. بايدى .. وإيدى التانية بتكبر .. أنا هرمك .. أنا علمك .. أنا حلمك .. ورغم ده كله مستعمر .. أنا الأبيض .. أنا الأسود .. أنا الأحمر .. أنا دهبك وياقوتك ومرجانك..أنا المرمر..أنا اللي وقفت بعصاتى ولا اتهزيت م البربر .. انا النيل الي عبّيتي فى جوفي كل أوجاعك ..أنا بتاعك .. أنا محمد أنا خالد أنا عمار أنا إسكندر .. أنا ريفك أنا البندر ..أنا اللى هتفت للعسكر ..وأنا اللى وقفت للعسكر .. أنا الأصلى .. لكن بطلع بكام منظر .. أنا اللي عمره وقت الشدة ما إتأخر .، أنا اللي قالولك عني إرهابي .. وكام حارس على بابي وحطوا أخويا سجاني .. وشاركونى فى دكانى .. وقالوا عني عدواني .. وسلفي مدني إخواني وليبرالي وعلماني .. وخلّوني واحد تاني .. غير اللي إتربي فى طينك وشق بفاسه بساتينك .. وضاق شوكك بلا تينك..وسطّر فى التاريخ إسمك حروف دمه " ولا همه " كلام من حد .. ولا همه .. يقولوا عليه مرتد .. ماهو اللي من عرق كتفه بنالك سد .. واللي مرمغتيه فى قنالك وحيله إتهد .. واللي طول عمره بيدي السبت مستني يلاقي الحد .. عرفتيني .. أنا اللي ضحكته تعلا وتنزل دمعته ع الخد .. انا النكته اللي بتصبرني وقد الجد .. أنا بنزينك اللي رموه وحاسبونى محسبوش حد .. لجل متعود على الحانيه على التنيه .. على الطوابير بين بنزينه والتانية .. أنا غازك .. انا جازك .. أنا سندك وعكازك ..أنا اللي صغت من دمي حروف اسمك .. أنا المصري .. أنا فارس دنيتي وعصري .. أنا طينك أنا لونك .. أنا اللي كسرت فرعونك .. أنا المصري .. عرفتيني .. أكيد من شكلي عرفاني .. أنا سلفي وليبرالي وقبطي وبرضو إخواني .. فمدي إيديكي ضميني .. يا مصر كفاية ترميني .. عشمتينى بالمصري وعودتيني ع الصيني